श्री गुरूपादुकाष्टक

-

Audio ऐका.

ज्या संगतीनेंच विराग झाला । मनोदरींचा जडभास गेला ।साक्षात् परात्मा मज भेटविला । विसरुं कसा मी गुरुपादुकांला ॥ १ ॥



सद्योगपंथें घरि आणियेलें । अंगेच मातें परब्रह्म केलें ।
प्रचंड तो बोधरवि उदेला । विसरुं कसा मी गुरुपादुकांला ॥ २ ॥



चराचरीं व्यापकता जयाची । अखंड भेटी मजला तयाची ।परं पदीं संगम पूर्ण झाला । विसरुं कसा मी गुरुपादुकांला ॥ ३ ॥



जो सर्वदा गुप्त जनांत वागे । प्रसन्न भक्ता निजबोध सांगे ।सद्भक्तिभावांकरितां भुकेला । विसरुं कसा मी गुरुपादुकांला ॥ ४ ॥



अनंत माझे अपराध कोटी । नाणी मनीं घालुनि सर्व पोटीं ।प्रबोध करितां श्रम फार झाला । विसरुं कसा मी गुरुपादुकांला ॥ ५ ॥



कांहीं मला सेवनही न झालें । तथापि तेणें मज उद्धरीलें ।
आता तरी अर्पिन प्राण त्याला । विसरुं कसा मी गुरुपादुकांला ॥ ६ ॥



माझा अहंभाव वसे शरीरीं । तथापि तो सद्गुरु अंगिकारीं ।
नाहीं मनीं अल्प विकार ज्याला । विसरुं कसा मी गुरुपादुकांला ॥ ७ ॥



आतां कसा हा उपकार फेडूं । हा देह ओवाळुनि दूर सांडूं ।म्यां एकभावें प्रणिपात केला । विसरुं कसा मी गुरुपादुकांला ॥ ८ ॥



जया वानितां वानितां वेदवाणी । म्हणे ' नेति नेतीति ' लाजे दुरुनी ।नव्हे अंत ना पार ज्याच्या रुपाला । विसरुं कसा मी गुरुपादुकांला ॥ ९ ॥

जो साधुचा अंकित जीव झाला । त्याचा असे भार निरंजनाला । नारायणाचा भ्रम दूर केला । विसरुं कसा मी गुरुपादुकांला ॥ १० ॥

॥ इति गुरुपादुकाष्टक संपूर्ण ॥

Comments

Post a Comment

Thanks for feedback

Popular posts from this blog

स्वप्नात आले माझ्या गुरुदेव दत्त

-
Image
  Audio   रात्रंदिवसा देवा तुमची मूर्ती ध्यानात , त्याचा लागे ना अंत -२ स्वप्नात आले माझ्या गुरुदेवदत्त ll धृ. ll दिव्यस्वरूपी सडा टाकत होते अंगणात , अल्लख म्हणुनी भिक्षा मागत आले दारात , दत्तगुरूंचे पाऊल उठले माझ्या अंगणात ll १ ll हो त्याचा लागे ना अंत....-२ भगवी झोळी होती त्यांच्या डाव्या बगलेत , रुद्राक्षांच्या माळा होत्या त्यांच्या गळ्यात , कुण्या वाटेने गेले माझे गुरुदेव दत्त ll २ ll हो त्याचा लागे ना अंत..... -२ श्वानांची फौज होती त्यांच्या संगत , श्वानांना भाकर टाकत होते भगवंत , बघा बघा ते अत्रिनंदन आले भजनात ll ३ ll हो त्याचा लागे ना अंत....... -२ भक्तांचा मेळा होता त्यांच्या संगत , खडावांचा नाद घुमतो माझ्या कानात , गुरुदेव दत्त मंत्रात ठेवा, ठेवा ध्यानात ll ४ ll हो त्याचा लागे ना अंत........ -२
Read more

श्री गुरु दत्तराज मूर्ती ओवाळीतो प्रेमे आरती

-
Audio श्री गुरु दत्तराज मूर्ती ओवाळीतो प्रेमे आरती ॥धृ॥ ब्रम्हा विष्णू शंकराचा, असे अवतार श्री गुरुचा कराया उद्धार जगाचा, जाहला बाळ अत्रीऋषीचा धरीला वेष असे यतीचा, मस्तकी मुगुट शोभे जटेचा कंठी रुद्राक्ष माळ धरुनी,हातामधे अयुधे बहुत वरूनी , तेणे भक्तांचे क्लेश हरूनी,त्यासी करूनी नमन अघशमन होईल रिपुदमन, गमन असे त्रिलोक्यावरती ……… ओवाळीतो प्रेमे आरती॥१॥ गाणगापुरी वस्ती ज्याची, प्रीती औदुंबर छायेसी भीमा अमर संगमासी भक्ती असे बहूत सुशिष्यांची वाट दावूनीया योगाची ठेव देत असे निज मुक्तीची काशी क्षेत्री स्नान करितो करविरी भिक्षेला जातो माहुरी निद्रेला वरीतो तरतरीत छाती, भरजरित नेत्र, गरगरित शोभतो त्रिशुळ जया हाती ……… ओवाळीतो प्रेमे आरती ॥२॥ अवधुत स्वामी सुखानंदा ओवाळीतो सौख्यकंदा तारी हा दास रुदनकंदा सोडवी विषय मोहछंदा आलो शरण अत्रीनंदा दावी सद्गुरु ब्रम्हनंदा चुकवी चौरयांशीचा फेरा घालीती षडरिपू मज घेरा गांजीती पुत्र पौत्र दारा वदवी भजन मुखी, तव पूजन करीत असे सुजन तयांचे या दासावरती ……… ओवाळीतो प्रेमे आरती ॥३॥
Read more

उद्धरी गुरुराया

-
 Audio उद्धरी गुरुराया, अनसूया तनया दत्तात्रेया ॥ध्रु॥ जो अनसूयेच्या भावाला भुलूनिया सुत झाला, दत्तात्रेय अशा नामाला मीरवी वंद्य सुरांना, तो तू मुनीवर्या, निज पाया, स्मरता वारीसी माया ||१|| जो माहुरपूरी शयन करी, सह्याद्रीचे शिखरी निवसे गंगेचे स्नान करी, भिक्षा कोल्हापूरी स्मरता दर्शन दे, वारी भया, तो तू आगमगेया ||२|| तो तू वांझेसी सुत देसी सौभाग्या वाढविसी मरता प्रेतासी जीववीसी सद्वरदाना देसी यास्तव वासुदेव तव पाया, दरत्या तारी सदया ||३||
Read more